الرئيسية / الأخبار / امير بدوى النور (بارود) المكاشفى يكتب …. الناظر (دقلل ، تركو ، المك عجيب ) يقدمون محاضرات فى الاخلاق لفولكر قودفرى وجايلز وفلولهم..

امير بدوى النور (بارود) المكاشفى يكتب …. الناظر (دقلل ، تركو ، المك عجيب ) يقدمون محاضرات فى الاخلاق لفولكر قودفرى وجايلز وفلولهم..

عاجل نيوز

 

لقد كتب الأستاذ عبدالله الشيخ مقال تاريخى
بعنوان
محكمة سودانية
ورد فيه
فى زمن الخواجات _الحكم الثنائي _وقع خلاف بين حكيم العبدلاب ،وناظر خط الريف الشمالي للخرطوم العمدة سرور رملى
وضعت القضية بين يدى القضاة الانجليز فى المحكمة كان الحضور كثيفا والعيون تشرئب من وراء شبابيك القاعة على رجلين من براح الحقول ،ينتظران القول الفصل فى خصامهما ،من الخواجة( ابوبرنيطة) صرخ الحاجب صرخته المعروفة ،
محكمة وقبل ان يبدا القاضى اجراءاته الروتينية ،رفع حكيم العبدلاب يده طالبا الاذن بالكلام:يامولانا ،اولا وقبل كل ڜئ ..عندى نقطة نظام ،
همهم الناس علي الحكيم وثوبه الملفح وعمامته المقنطرة كسحابة فوق الكثبان..بعضهم ظن ان شيخ العرب (اتضعضع)وبعضهم قال: شوف زويلك ،كمان داير يتكلم تحت حنك القاضى ؟.. الليلة الله قال بى قولو
ثم شرع حكيم العبدلاب فى تنقيط النظام ،فقال : يامولانا الرجل ده سيد البلد وزعيم الخط وتقديرا لمكانتو انا اتنازل عن حقى..وهو يقعد فى الكرسى ،واقيف انا فوق كرعينى أمام المحكمة ،
اطرق الخواجة فى تلك اللحظه السودانية الفارقة كانه يسعى لاستيعاب تفاصيل السماحة بين خصمين ،يراهما بعض رعايا فى امبراطوريته التى لاتغيب عنها الشمس…
بصوت جهور وبعين تسبر غور النفس الشاحمه
نفض الخصم جلبابه وقال: يامولانا انا العمدة سرور اتنازل امام المحكمة للزول دا عن الساقية زاتا..ماداير معاهو قضية ،وماداير اى حاجه ،كان الخواجة _الحاكم _قد تحول فى تلك اللحظه السودانية الفارقة الى متفرج ينقر باصابعه فوق دفاتر أل سكسون ،بينما مضى حكيم العبدلاب فى مجادعته للناظر:
اسمح لى بكلمة
يامولانا..انا ماممكن اطلع من المحكمة منتصرا على زعيم البلد ومابخلى الناس تقول العبدلابى مشى كلمتو فوق كبيرو..حرم انا مابسويها..
وقف القاضى حائرا بين خصمين بينما تربع العمدة سرور بهيبته كلها فوق عرش المحكمة وقال:خلاص يااخوى انا أديتك ساقية البحر ،بدل الساقية دى..ولكن..
حكيم العبدلاب برم اشنابه التى تخفى سبارس البحارى ،وقال موجها حديثه للقاضى: قسما بالله يامولانا ماداير ساقية البحر دى طول السنة سواقيها مدؤرة قصاد ديوان ودرملى كيف اقبل اشيلا انا براى؟..حرم دى انا مابسويها ..عندما وصلت المجادعة الى هذا المستوى ،ضرب الخواجة كفيه تعجبا وامر الحاجب برفع الجلسة وهو يقول: بالله شوف.. السودانيين دايرين يعلمونا الاخلاق ؟!
هذا ماورد فى مقال عبدالله الشيخ
وفى القرن ال 21والسودان يحتفل بعيد الاستقلال ال 67
فولكر وقودفرى وجايلز وجيهان هنرى ورابعهم الجنيبى ممثلى المجتمع الغربى الصهيونى الماسونى يستبيحون السودان و يمزقون سيادته بخناحر (الاتفاق الاطارى)الغربى الصهيونى الماسونى الاستعمارى الذى يغضب الله ويخرج دين الله الاسلام الحنيف من تفاصيل حياة المجتمع السوداني ويطمس هوية وقيم وتراث الامة السوداني ويفسد دنياها ويخرب اخرتها و يحمل السم فى الدسم للقوات المسلحة السودانية وقضاة السودان صمام امان السودان والاقليم،
ويعيد النظام الذى وضعه كتشنر وجعل الشرع غريبا فى داره ويهدر كرامة اهل السودان وفلذات اكبادهم الشرفاء بالقوات المسلحة السودانية والدعم السريع والمخابرات العامة والشرطة الموحده وفرسان قوات الاحتياطى ومتقاعدى القوات المسلحة والقوات النظامية الاخرى .
ومحمد الفكى سليمان يصرح لراديو مونت كارلو بدعم غربى اخيرا نجحنا فى وضع العسكر تحت نعالنا وهى مسالة وقت.. سترون البرهان وغيره من المجرمين فى سجن كوبر.
والبرهان يصرح فى منصة جهاز المخابرات العامة بان بعض السياسين يتواصلون مع السفارات ويملكونهم معلومات تهدد كيان الوطن .
وحميدتى يعترف فى عهد نظام قحت وحكومة حمدوك ومافيا لجنة تمكينهم بفشلهم الذريع ويطالب فى اجتماع للسيادى والوزراء ومركزية التغيير بتقديم استقالات جماعية ارجعوا لارشيف سودانية 24وحوار راشد نبا مع حميدتى الذى اغضب قحت ،وراجعوا فيدوهات حميدتى رئيس الالية الاقتصادية فى عهد قحت ..،
والسودان يحتفل بعيد الاستقلال ال 67 حميدتى نائب رئيس مجلس السيادة يعترف ويصرح لو قلنا مافى تدخل اجنبى كضبنا ولو ما مسيرانا السافرات كضبنا..ونحن وقعنا على الاتفاق الاطارى غصبا عننا …
والناظر دقلل ناظر عموم البنى عامر وقومه يصرفون جامبو بركاوى للسفير الأمريكي جون قودفرى.. و الناظر ترك ناظر عموم البجا يعلنها داوية برفض الاتفاق الاطارى ويتعهد بمقاومة الاستعمارى الجديد على خطئ البطل عثمان دقنه الجسور، والمك عجيب مك الجموعية يعلنها داوية برفض اطارى المجتمع الغربى الصهيونى الاستعمارى النازى المثلى ويتعهد بنصرة دين الله الاسلام الحنيف ومقاومة الاستعمار وهزيمة فلول فولكر وقودفرى وجايلز وجيهان هنرى ورابعهم الجنيبى ويسجل صوت لوم لنائب الرئيس حميدتى لموقفه من التدخل الاجنبى وتسير السفارات لهم وتوقيعه غصبا عنهم على اتفاق اطارى غربى يغضب الله ويرضي اعداء الله الرعايا فى سلطان الله العظيم الذى خصم من رصيده وقيمة.. وقال له عندك بوكس عندنا تعال استلمو ماقال ليهو تعال استلم بكاسى منتصر خالد ناظر البطاحين واخرين
وكذلك سجل صوت لوم شديد اللهجة للناظر دبك الذى إيد الاطارى الغربى الاستعمارى ولوث تاريخ جده النائب البرلمانى دبك الناصع الذى طرد من داخل البرلمان المستعمر الانجليزى البغيض..
الاخلاق الكريمة والقيم الرفيعة هى روح الامة اذا ضاعت صارت بلاروح وبلا جسد..
انما الامم الاخلاق مابقيت فإن هم ذهبت اخلاقهم ذهبوا
والامة التى تبيع عقولها ينخرها دود الذل والهوان ..وهى حية .
ومطلوبات الاخلاق فوق مطلوبات القانون،
والناظر دقلل والناظر ترك والمك عجيب الهادى يعبرون بصدق عن أهل السودان المترعين بمحبة خاتم الأنبياء وسيد المرسلسن النبى سيدنا محمد صلى الله عليه وسلم الذى بعثة الله ليتمم مكارم الاخلاق وكان خلقه القران ،السودانين الذين وصفهم الكتاب المثقفين السعودين بعقلاء وصمام امان الامة وطالبوا الملك سلمان بمنحهم الجنسية السعودية لو رغبوا فى ذلك وتمنوا ان يكونو سودانين وترنموا ب( كيف يكون الحال لو ماكنت سوداني واهل الحاره ديييل مااهلى)
ودقلل وترك وعجيب يلقنون فولكر وقودفرى وجايلز وجيهان هنرى ورابعهم الجنيبى وفلولهم دروسا بليغة فى العزة والاباء والشموخ و الثبات على المبادئ ويعلمونهم الاخلاق فى محاضرات سودانية على الهواء الطلق كما فعلها( شيخ العرب حكيم العبدلاب وناظر الخط العمدة سرور رملى فى محكمة سودانية وجعلا القاضى الانجليزى محتارا..يضرب كفا بكف ويقول ان السودانيين دايرين يعلمونا الاخلاق.)
ودقلل وترك وعجيب فى زمن تسييد العمالة والارتزاق والخيانه وظاهرة سلاطين باشا وابى رغال وابن العليقمة للمشهد السوداني يمضون بقوة العزيمة وصدق التوكل على الله
يمنة ويسره على خطئ
زعماء منظومة الادارات الاهلية السودانية وفرسانها الصناديد ورجالات الدين و الطرق الصوفية أحمد وعامر المكاشفى والشريف أحمد ودطه وودبدر واخرين الذىن دافعوا بنية العمل الخالص لوجه الله عن بيضة الدين الاسلامى الحنيف وقيم وتراث وكرامة وسيادة الامة و دحروا بعون الله فى معارك الثورة المهدية باسلحة بدائية النبال والنشاب والحراب وقوة العزيمة وصدق الايمان جيش الامبراطورية البريطانية العظمى التى كانت لا تغيب الشمس عن مستعمراتها وفتكوا بقادته العظام والجنرال شارلز غردون متخصص قمع الثورات فى العالم ووثق لبطولاتهم الكتاب والشعراء والادباء الانجليز فى دفاترهم.. .
كسرة: الدين عند الله الاسلام
الامر امر دين ووطن عزيز ومبادئ وعقيدة راسخة وعزة وكرامة وشرف بازخ
والرجال مواقف فى مواطن الحق الذى يعظم الله به الاجر ويحسن به الذخر ،
الحدة نصرة للحق من الخصال المحمودة الحديث الشريف ( الحدة تعترى خيارى امتى)رواه الطبرانى
المواقف الرمادية والضبابية والمساومة وووووووووثقافة القطيع تنكد حياة صاحبها وتوشحه بالعار وتفسد دنياهو وتجعله يخسر آخرته .
ولايحيق المكر السئ إلا باهله .
إن ربك لبالمرصاد
اوليس الله بقادر على نصرة اهل دينه الاسلام بالسودان نصرا قريبا عزيزا ..وإلحاق الهزيمة الساحقة بفولكر وقودفرى وجايلز وجيهان هنرى ممثلى المجتمع الغربى الأمريكي الصهيونى الماسونى المثلى ورابعهم الجنيبى وفلولهم عملاء رباعية جون قودفرى وجايلز وثلاثية فولكر ولو استبدل الله قوما غيركم يابرهان ودقلو اخوان واعضاء المكون العسكرى والسيادى المفتقد للسيادة والارادة الوطنية؟؟

امير بدوى النور
(بارود) المكاشفى

عن Abdelsalam

شاهد أيضاً

من الذي طرد الصحفيين والاعلاميين من تغطية ورشة التمكين بقاعة الصداقة

عاجل نيوز عبد الماجد عبدالحميد يكتب .. الحقيقة الصادمة أن فولكر لم يطرد الإعلاميين من …